প্ৰেমৰ সুবাস

অশ্ৰুসিক্ত মোৰ দুগালৰ অপেক্ষা মাথো তোমাৰ উষ্ম দুহাতৰ,
শীতৰ নিষ্ঠুৰ কোবাল চেছা বতাহে সেৰেঙা কৰে যে প্ৰিয়াৰ দুহাত,
সেই সেৰেঙা দুহাতত পুৰণি সপোনৰ তিৰবিৰ চাকি গছি,
জ্বলি ৰ’ই মাথো মোৰ হৃদয়ৰ এসোতা তেজেৰে,
সেয়ে যে ভয় লাগে তেজেৰে তুমুৰালি খেলিবলৈ,
নেখেলো আৰু ভাল পোৱাৰ তেজাল খেল,
তাতোকৈ ভাল হ’ব ৰঙা গোলাপৰ পাহি,
গোলাপৰ পাহিৰে তোমাৰ বুকুলৈ বোৱাই দিয়া প্ৰেমৰ সুবাস.....