সৰু চহৰৰ লৰা ম’ই|
গধূলিৰ বৰষুণজাকে আকৌ সৰু চহৰখনলৈ মনত পেলালে|
মোৰ মৰমৰ সৰু চহৰখন|
কিনকিনীয়া বৰষুণ এজাকে সৰু চহৰখনক ধুনীয়া কৰি তোলে|
বৰষুণে ধুৱাই নিয়া কৃষ্ণচূড়াৰ ফুলে চহৰখন ৰাঙলী কৰি তোলে|
আজি আকৌ এজাক বৰষুণ আহিল|
কিনকিনীয়া বৰষুণ|
কোনোবাই দৌৰি বাছষ্টপত ৰৈছে|
কোনোবাই পথৰ দাঁতিৰ সৰু চাহদোকানখনত ৰৈ প্লাষ্টিকৰ গিলাছত ৰঙা চাহ এটুপিৰ চিপ লৈছে|
আৰু কোনোবা ডেকা-গাভৰুৱে গছ এজোপাৰ তলতে ৰৈছেহি|
আজিও চাগে কৃষ্ণচূড়া কেইজোপাই ৰাঙলী হৈ নাচিছে|
কিমানদিন যে হ’ল বৰষুণত তিতা নাই|
সুমধুৰ আছিল তোমাৰ লগত বৰষুণত তিতা দিনবোৰ|
বৰষুণত তিতি সৰু চহৰখনৰ ফুটপাথত হাতত হাত ধৰি খোজ কঢ়া দিনবোৰ|
কৃষ্ণচূড়াই সাজোন-কাছোন কৰা দিনবোৰ|
জানো ক’ত হেৰাই গ’ল|
কংক্ৰিটৰ যান্ত্ৰিক মহানগৰীত সকলো মাথোঁ যন্ত্ৰৰ দৰে দৌৰি ফুৰিছে|
বৰষুণত তিতিবলৈ, কৃষ্ণচূড়াৰ নাচোন চাবলৈ কাৰোৰে যে আহৰিয়ে নাই|
তথাপি কৃষ্ণচূড়াই নাচিছে, বৰষুণ জাকে গাইছে|
ম’ই ভবাৰ দৰে তুমিও বাৰু ভাবানে এতিয়াও?
এতিয়াও জানো কৃষ্ণচূড়াৰ ৰঙত ৰাঙলী হোৱা?
বৰষুণৰ গান বাউলী হৈ শুনানে বাৰু এতিয়াও?
নে তুমিও যন্ত্ৰৰ চহৰত যান্ত্ৰিক হৈ পৰিছা?
